2018-10-15
0 comentarios

33 ezkil irakurle klubean


33 ezkil, Miren Gorrotxategi. Leioako liburutegiko irakurle klubean

Euria goian-behean ari zuen eta, gainera, iluntzen hasia zen. Ferminek, hala ere, aitzurrarekin kolpe eta kolpe jarraitzen zuen zabaldian. Izan ere, nazkatuta zegoen egunero Karmni kontu bera entzuteaz: “Ur-depositu hori noizko dugu? Uda sasoian egingo zenuela ez zenuen, ba, esan? Baietz udazkena iritsi eta zu lanean hasterako”. Gaurkoan, behintzat, zuloa hasia zuela esango zion. Eta musean jokatzera joango zen. Kolpeka jarraitu zuen: tak!, tak, tak! Euriak gogoz segitzen zuen bota eta bota. Eta, bat-batean, kank! Aitzurrak zerbait gogorrarekin talka egin zuen

33 ezkil, Miren Gorrotxategi.
(Digitalean ere eskuragarri)

Hasieraren hasiera. Honela hasten da kurtso honetako irakurle klubaren bilerei hasiera emango dion liburua (kurtsoko programazioa).

Baserri giroan kokaturiko eleberri beltz honek Agustin Zubikarai beka lortu zuen 2015. urtean eta barrenak artegatzera etorri zaigu hilabete honetako irakurle klubeko kideoi. Drogak, apustuak eta heriotzak, kamioikada heriotza izango ditugu bidaide etzi egingo dugun bileran, urriak 17 dituenean.

Irakurle klubeko bilera arratsaldeko seietan (18:00tan) ospatuko da, liburutegiko bigarren solairuko erakusmahaiaren ondoan (euskarazko liburu berrien apalategien parean). Anima zaitezte etortzera!

Bileran erabil genitzakeen apunteak.

Liburuaren inguruko kritikak Armiarma webgunean.

2018-10-11
0 comentarios

Euskara irakurle kluba 2018-2019

Leioako udal liburutegiko euskara irakurle klubaren programa 2018-2019
(egin klik irudian handiago ikusteko)


Aurten ere euskara irakurle kluba aterako dugu aurrera liburutegian. Bertako langile den Ibon Idoiagak dinamizaturik, programan proposatutako liburuak aitzakiatzat harturik hilabetero batuko gara liburutegian berbalditxoa egitera.

Irakurle klubaren bilerak hilabete bakoitzeko hirugarren eguaztenean ospatzen dira, liburutegiko bigarren solairuko erakusmahaiaren ondoan (euskarazko liburu berrien apalategien parean) arratsaldeko seietan.

Irakurle klubean parte hartu nahi izanez gero, eskatu informazioa liburutegiko edozein erakusmahaitan.

Hona hemen ikasturte honetako liburuak eta datak:


  • URRIAK 17
    33 ezkil, Miren Gorrotxategi. Garizmendi baserriko Ferminek, aitzurrean ari dela, burezur bat topatu du lurperatuta; lasterka deituko dio kalean bizi den Nestor semeari, baita honek Berta andregai ohi arkeologoari ere; hilotz hori ateratzera doazenean baina, desagertua da eskeletoa. Hortik aurrera, berriz, hildako gehiago, eta misterioa gero eta ilunago. Hildako zahar eta berriak, anaien arteko gorrotoak, belaunaldien arteko arrakalak, bikote barruko konpondu ezinak, droga, jokoa… Liburu honek Agustin Zubikarai beka irabazi zuen 2015ean. Euskaraz idazten den thriller motako eleberrien erakusgarri ona izan daiteke.

  • AZAROAK 21
    Goza daiteke gehiago, Karmelo Ayesta. Aldaketa sakona da hizkuntz ohitura berria barneratzea. Batzuetan pentsatu izan da gaitasuna lantzea nahikoa dela euskararen erabilera sustatzeko, baina erabilerari buruzko datu estatistikoek agerian jarri dute bide berriak jorratu beharra dagoela. Liburu honek frogatu nahi du euskararen erabileraren marka erraz hobetu dezakegula euskal hiztunok. Liburu hau, Leioan ere ospatuko den Euskaraldiaren bezperatan jorratuko dugu eta bertan kokatu nahiko genuke. Bide batez, Euskaraldian parte hartzeko aukera oraindik zabalik dagoela gogorarazi nahi dizuegu.

  • ABENDUAK 19
    Hadji-Murat Lev Tolstoi (itz. Josu Zabaleta). Hadji-Murat, errusiar inperioa XIX. mendearen lehen erdian Kaukasoko mendietan gauzatzen ari den konkista eta asimilazio politikaren  kontrako erresistentziako buruzagia, bi botere kontrajarriren artean harrapaturik dago : alde batetik Shamil, islamdar erresistentziako buruzagi nagusia, Hadji-Murat bere mendeko matxinatua hilik ala bizirik (hilik nahiago) harrapatzeko haren familia bahiturik daukana, eta bestetik errusiar gudarostea, Hadji-Murat itxuraz babestu, baina familia askatzeko egiazko laguntzarik ematen ez diona. Harold Bloomek (Mendebaldeko literatura canon hain goraipatu eta, era berean, laidotuaren egileak) idatzi den abenturazko elaberririk borobilena dela zioen. Baieztapen hori ez al da  akuilu ederra liburua irakurtzeko?

  • URTARRILAK 16
    Gauaren sakonean, Haruki Murakami (itz. Ibon Uribarri Zenekorta). Tokioko gauerdian, lo egin ezinik, Denny's izeneko jatetxe batean neska gazte bat irakurtzen ari da. Halako batean, musikari bat eseriko zaio ondoan eta harekin partekatuko du mahaia une batez; Baxu-baxu, Percy Haith eta bere orkestraren Go away little girl pieza entzuten da. Klubeko partaide batek proposatutako japoniar literaturaren adibide bat. Kawabata ere izan zitekeen baina azkenik Murakami gailendu zen.

  • OTSAILAK 20
    Nomada, Aitziber Etxeberria. Sobietar Batasuneko enbaxadore berriaren etorrerak Nikolay Zaitseven bizimodu lasaia hankaz gora ipini du eta Txotxongilo Antzokiko bere mundu txikitik aterarazi. Hasiera batean pasaportea berritzeko errutinazkoa behar zuen solasaldia, ustekabean denboran luzatzen eta korapilatzen joan den itaunketa sakona bilakatu da, iraganeko heriotza bat argitu nahian. Hernaniko liburutegitik gomendatu zutenetik.

  • MARTXOAK 20
    Armand David: pandaren aita, Kepa Altonaga. Edonorentzat da ezagun panda eta pandaren inguruko hil ala biziko problematika, baina oso gutxik dakite animalia karismatiko hori euskal herritar batek aurkitu eta deskribatu zuenik; hain zuzen ere Armand David ezpeletar naturalista da pandaren aurkitzailea. Altonaga ezaguna dugu irakurle klubean, baina liburuan azaltzen zuenaren aplikazio praktikoa zuzenean ezagutu nahi izan dugu oraingo honetan.

  • APIRILAK 17
    Azken patriarka, Najat El Hachmi (itz. Jexuxmari Zalakain Garaikoetxea). Azken patriarka eleberriak Marokotik Kataluniara emigratu duen Mimoun Driouchen istorioa kontatzen digu, bere alabaren begietatik. Haren eskutik aitaren izaera tormentatua ezagutuko dugu; bere izaera autoritario eta zaharkituak sortarazten dizkion talka etengabeak. Izan ere, pertsonaia gorrotagarria da Mimoun: matxista, liskarzalea, zurruteroa, bortitza, jeloskorra… Iban Zalduaren blogean agertutako artikulu batek ekarri digu liburua klubean komentatzeko gogoa dator

  • MAIATZAK 15
    Epailea eta haren borreroa, Friedrich Dürrenmatt (itz. Idoia Santamaria Urkaregi). Nobela beltz asko bezala, hilotz batekin hasten da. Baina badu ezaugarri bat nobela beltz ohikoetatik bereizten duena: ustez istorio nagusia dirudienari –hilketa bera eta hilketa argitzeko prozesua– beste istorio batek hartuko dio gaina, nobelak aurrera egin ahala. Klubean eleberri beltzaren zaletu ugari egonik, genero honi beste ikuspuntu bat eman zion Dürrenmatten eleberri bat aukeratzea goxoki bat izan da.

  • EKAINAK 19
    Hiltzailea nire baitan, Jim Thompson (itz. Miel A. Elustondo). Lou Ford sheriffa normala da, itxuraz. Baina halako batean prostituta batengana joan, eta bere barneko piztia esnatu zaio… Geroztik ez du ezeren aurrean atzera egingo. Egindako hilketa bakoitza beste batez estali beharko du, bakoitza odol hotz-hotzean prestatu eta gero. Eleberri beltzen klasiko bat. Aurreko liburuan esan bezala, genero jakin bateko zaletasunari dagokio aukera. Jim Thompson azken aldian hasi da ezagunagoa izaten baina bere momentuan ez ei zuen jaso bere maila adinako aitorpenik. Lehen eskutik ezagutu nahi izan dugu ea egia ote den maila hori.

Ba besterik ez. Zatoz lasai bileretara nahiz eta liburua irakurri ez eta dagokion hilabeteko liburuaren aleren bat nahi bazenu, eskatu liburutegiko edozein erakusmahaitan inolako eragozpenik gabe.

2018-10-09
0 comentarios

Haur eta gazte irakurketa jokoa 2018 -- Juego de lectura para niños y jóvenes 2018


Leioako liburutegiko 6. irakurketa jokoa

(en castellano)

Aurten ere martxan dugu haur eta gazteei zuzendutako irakurketa jokoa.

Dagoeneko seigarren edizioa betetzen duen joko honek, aurreko urteetako oinarriak errepikatzen ditu: liburu bakoitzeko emango dizugun irakur-puntuan liburuari buruzko gomendioa (edo ez-gomendioa) idatzi irakurlearen informazioarekin batera eta hiru irakur-puntu batzerakoan zozketan parte hartzeko zenbaki bat lortzeko aukera izango duzu.

Zozketako sariak 80 €ko balioa duten zortzi Elkar opari-txartel izango dira.

Irakur-puntuak lortzeko eta zozketarako zenbakiak eskatzeko epea urriaren 1ean ireki zen eta abenduaren 21ean (San Tomas egunean) itxiko da. Zozketa urtarrilak 2an ospatuko da eta irabazleen izenak liburutegiko webgunean zein hemen argitaratuko dira.

Beraz, gogoratu:
  • 6-16 urte bitartekoei zuzendutako jokoa
  • 80 euroko 8 Elkar opari-txartel
  • Parte hartzeko epea urriak 1etik abenduak 21era
  • Zozketaren data: urtarrilak 2

Animatu eta parte hartu, zuen gomendioekin eginiko liburuxka eskuragarri jarriko dugu Haur Liburutegiko erakusmahaian eta! (2017ko irakurketa jokoaren gomendioen gida, pdf).


Marcapáginas del juego de lectura de la biblioteca de Leioa


Este año también os proponemos el juego de lectura para niños y jóvenes de 6 a 16 años.

La mecánica del juego es la misma que la de años anteriores (ya vamos por la sexta edición). Tendréis que escribir una recomendación del libro que hayáis leído en los marcapáginas que os demos con cada préstamo y por cada tres marcapáginas que nos entreguéis os asignaremos un número para el sorteo de ocho tarjetas-regalo de Elkar (80 euros de valor por cada una).

El juego comenzó el 1 de octubre y el último día para recoger marcapáginas será el 21 de diciembre. Celebraremos el sorteo el 2 de enero y, además de contactar con los/las agraciados/as, publicaremos sus resultados en la página web de la biblioteca y aquí, en el blog.

Los datos:

  • De 6 a 16 años para poder participar
  • 8 tarjetas-regalo de Elkar de 80 euros
  • Del 1 de octubre al 21 de diciembre para participar
  • Sorteo el 2 de enero

Publicaremos un folleto con las recomendaciones que nos hagáis (como éste de las recomendaciones de lectura del juego del 2017).

¡Ánimo y buena suerte!

2018-10-03
0 comentarios

2018ko iraileko liburu berriak -- Novedades de septiembre del 2018

Iraileko liburu berrien buletina kontsultatu nahi baduzu, egin klik hemen (pdf fitxategia, 1.686 KB)

Zure korreoan hilabetero nahi baduzu, jar zaitez gurekin kontaktuan harpidetza eskatuz:

Leioako udal liburutegiko helbide elektronikoa

Si quieres consultar el boletín de novedades de septiembre, haz click aquí (archivo pdf, 1.686 KB)

Para recibirlo todos los meses en tu correo electrónico, ponte en contacto con nosotros e indícanoslo:

Dirección de correo de la Biblioteca Municipal de Leioa


2018-10-02
0 comentarios

Tú no eres como otras madres en las tertulias literarias

Tú no eres como otras madres, Angelika Schrobsdorff

Como mujer de mi generación, yo era algo nuevo, insólito y sospechoso. Me salía del marco, por así decir, tenía que ser muy fuerte y hacerme mis propias leyes. Nadie me ayudó, al contrario: se me aceptaba, en el mejor de los casos, como un bicho raro; y en el peor, se me tenía por una degenerada.



Tú no eres como otras madres, Angelika Schrobsdorff.


Comenzamos nuevo curso con las tertulias literarias dinamizadas por Bego Ruiz.

Esta vez comentaremos la biografía novelada que Angelika Schorbsdorff hizo de su madre. Una mujer que hizo de la libertad bandera y llevó una vida plena, repleta de altibajos y que sirve de reflejo de la sociedad alemana en el periodo que va de las entreguerras al ascenso del nazismo y la segunda guerra mundial. Un libro memorable sobre una mujer memorable, como dice Cristina (@rustabloguera) en Devoradora de libros.

Las tertulias literarias tendrán lugar hoy, 2 de octubre, en la sala de prensa de la cuarta planta de Kultur Leioa a las 17:30 y a las 19:15.

2018-09-26
0 comentarios

Club de lectura de inteligencia emocional

La felicidad de las pequeñas cosas, Antonio San José
Nueva temporada del club de lectura de inteligencia emocional dinamizado por Giovanni Pecoraro.

La sesión que inicie este nuevo curso tendrá lugar mañana, 27 de septiembre, en la 6ª sala de la quinta planta de Kultur Leioa. Os recordamos que todas las sesiones del club de lectura emocional tienen lugar los últimos jueves de cada mes a las siete de la tarde.

El libro elegido para esta ocasión es La felicidad de las pequeñas cosas, de Antonio San José (disponibilidad en el catálogo). Un libro que reivindica la necesidad de vivir más despacio y que ofrece 47 ideas para ser feliz.

2018-09-03
0 comentarios

2018ko abuztuko liburu berriak -- Novedades de agosto de 2018

Abuztuko liburu berrien buletina kontsultatu nahi baduzu, egin klik hemen (pdf fitxategia, 1.733 KB)

Zure korreoan hilabetero nahi baduzu, jar zaitez gurekin kontaktuan harpidetza eskatuz:

Leioako udal liburutegiko helbide elektronikoa

Si quieres consultar el boletín de novedades de agosto, haz click aquí (archivo pdf, 1.733 KB)

Para recibirlo todos los meses en tu correo electrónico, ponte en contacto con nosotros e indícanoslo:

Dirección de correo de la Biblioteca Municipal de Leioa