Gela bat norberarena irakurle klubean

Liburutegi ospetsu bat emakume batek madarikatzea bost axola zaio liburutegi ospetsu horri. Agurgarri eta bare, bere altxor guztiak bere magalean babestuta dituela, lo datza patxada osoan, eta, nir dagikidanez behintzat, horrelaxe jarraituko du betiko. Sekula ez ditut iratzarriko hango oihartzunak, sekula ez dut han abegirik eskatuko, agindu nion neure buruari eskaileratan behera nindoala amorru bizian.

Gela bat norberarena, Virginia Woolf, itzulpena Maria Colera Intxausti.


Garai haietako liburutegi ospetsuei agian ez zien larrituko emakumeen madarikazioak, baina geurean ez ditugu txantxetan hartzen eta berbagai bihurtzen ditugu.

Emakumeak eta literaturari buruz eginiko hitzaldi bitan oinarrituta, Virginia Woolfek emakumeen genero-rolak aztertu zituen literaturatik harago eta, fikzioa idazteko behintzat, emakume batek zer behar zuen adierazi zuen: «Fikzioa idatziko badu, emakumeak dirua behar du eta gela bat beretzat». Gela propioaren ideia feminismoan errotu eta haren testu-giltzarrietako bat bilakatu zen, ordura arteko kritikarik zorrotzena bilakatuz ikustezina zirudien baina nonahi agertzen zen patriarkatuaren aurka.

Orain dela bost urte ekarri zigun consonni arte ekoizleak obra hau euskaraz irakurtzeko aukera (liburutegiak ere parte hartu zuen crowdfunding kanpaina baten bitartez) eta ikasturte honetako irakurle klubeko bilerei amaiera emateko aukeratu dugu.

Bilera eguaztenean izango da (ekainak 20) baina udako ordutegian murgilduta gaudela eta, bileraren ordua apurtxo bat aurreratuko da eta arratsaldeko seietan (18:00) izango da, helduen solairuko erakusmahaiaren ondoan.

Liburua ere pdf formatuan deskargatzeko aukera.

Liburuaren kritikak Armiarma webgunean.

Bileran erabil genezakeen gidoia (Google Driven).