Euskara irakurle kluba

Aurten ere Euskara Irakurle Kluba martxan jartzeko asmoa daukagu liburutegitik (pasadan ikasturtean bezala).


Hilabete bakoitzeko hirugarren eguaztenean elkartuko gara, liburutegiko hemerotekan eta arratsaldeko zazpi t´erdietan. Lehenengo bilera urriak 15ean gauzatuko da.

Hauek dira irakurle klubaren hurrengo bileretarako proposatu diran irakurketak:

• urriak 15: Aiztoa eta arkatza, hainbat egileren artean Pasadan urtea irakurtzeari buruzko kontakizunekin hasi bagenuen, aurtengoa idazteari buruzko aholkuekin hasiko dugu. Hainbat idazle famatuk idazteari buruz utzitako aholkuak dira eta beraien lanak ezagutzeko aukera emango digute.

• azaroak 19: Zorrotz begiratutako trenak, Bohumil Hrabal Orratzain-mutil bati bor-borka dabilkion sexualitatea naziek Txekoslobakia inbaditu zuteneko garai berean.

• gabonilak 17: Hezur gabeko hilak, Xabier Montoia Guda Handiaren mendeurrena ospatu den urte honetako azken irakurle kluba, gerra horretan borrokatu zuten euskaldunen istoria ezagutuko dugu (6.000 lagun inguru aurretik eraman zituena).

• urtarrilak 21: Saguak eta gizonak, John Steinbeck. Lennie eta George lagunduko ditugu euren lan bilaketa gorabeheratsuan (hau ere klasiko bat eta, antza denez, nahiko itzulpen egokian aurkeztua)

• otsailak 18: %100 Basque, Itxaro Borda. Agian, momentu hauetan Iparraldeko idazlerik ezagunena. Eleberri beltza idazteko konbentzioak apurtu zuen eleberri honek. Oraindik garaiz zabiltzate UKITX taldeak egilearekin antolatu duen bilerara joateko).

• martxoak 18: Erraiak, Danele Sarriugarte. Banaketa baten narrazioa nahiko barnetik azaldua ('erraietatik'). 

• apirilak 15: Limoi bat imintziorik gabe jaten baduzu, Sergi Pàmies. Eleberrietaz aparte, kontakizunak ere badaudela ziurtatzeko, nahiko entretenigarria izan daitekeen bilduma honek irten du proposaturik.

• maiatzak 20: Hilobiko isiltasuna, Arnaldur Indridason. Kalitatezko Islandiar eleberri beltza loreen hilerako.

• ekainak 17: Nora ez dakizun hori, Irati Jimenez. Istorioz betetako lehen eleberri bat.

Anima zaitez irakurle klubeko bileretan parte hartzera, eta etortzerik ez bazenu, gogoratu eskuragarri duzula litforoa liburuei buruz zure eritzia partekatzeko.